O‘zbekiston Respublikasi Prezidentining 2024-yil 1-fevraldagi qarorining 1-bandiga asosan nodavlat ta’lim tashkilotlariga bitiruvchisi IT-xizmatlarini eksport qiluvchi tashkilotga ishga joylashganda BHMning 75 baravarigacha, nogironligi bo’lgan yosh bitiruvchisi bunday tashkilotga ishga joylashgan hollarda esa 105 baravarigacha bir martalik subsidiya ajratish tizimini nazarda tutuvchi dastur joriy etish belgilangan.
Dastur doirasida nodavlat ta’lim tashkilotlariga subsidiya quyidagi barcha mezonlar bajarilgan hollarda ajratiladi:
IT-park rezidenti maqomiga ega bo‘lish;
– bitiruvchi ishga kirgan IT-xizmatlarni eksport qiluvchi tashkilot rezident maqomini olganiga olti oydan oshgan bo‘lishi;
– bitiruvchi IT-xizmatlar eksporti sohasida talab yuqori bo‘lgan Raqamli texnologiyalar vazirligi tomonidan tasdiqlanadigan o‘quv yo‘nalishlari bo‘yicha nodavlat ta’lim tashkilotida o‘qishni tamomlagan bo‘lishi;
– bitiruvchi IT-xizmatlarni eksport qiluvchi tashkilotda olti oydan ortiq muddat davomida uzluksiz ravishda ishlab kelayotgan bo‘lishi;
– bitiruvchi o‘qishni tamomlaganidan keyin uch oy muddatda eksport qiluvchi tashkilotlarga ishga joylashgan bo‘lishi;
– bitiruvchi ishga kirgan Kompaniyaning yillik eksport xizmatlari hajmi xodimlarga to‘langan umumiy yillik ish haqi miqdoridan kam bo‘lmasli belgilandi.
Qarorga muvofiq, “IT talents” dasturi doirasida nodavlat ta’lim tashkilotlariga bir martalik subsidiya ajratish bo‘yicha davlat xizmatlarini ko‘rsatishning ma’muriy reglamenti ham belgilandi.